Ijtimoiy tarmoqlarda Respublika oliy taʼlim kengashining hozircha hech qayerda rasman eʼlon qilinmagan bayonnomasi tarqaldi.

29-noyabrda tasdiqlangan hujjatga koʻra, nodavlat OTMlarga 4 foizlik “oʻlpon” joriy qilish taklif qilingan va buni kengash qoʻllab quvvatlagan. Bu esa hozirda koʻplab muhokamalarga sabab boʻlmoqda.

Bayonnomada koʻrib chiqilgan va qaror qabul qilingan 7-masalada quyidagicha yoziladi:

Biznes advokat Bektosh Hatamov bunga munosabat bildirar ekan, oliy taʼlim, fan va innovatsiyalar vaziri hech qanaqa 4 foiz soliq solish vakolatiga ega emasligini taʼkidlaydi.

“Nodavlat oliy taʼlim muassasalari oddiy tijorat subyekti hisoblanadi, ularga soliq solish uchun soliq qonunchiligiga oʻzgartirish kiritilishi kerak, soliq qonunchiligiga oʻzgartirish kiritish uchun Oliy Majlisda deputatlar hech boʻlmasa, “knopka”ni bosishi kerak, keyin Senatda ham tasdiqlanishi kerak”, deb yozadi u oʻz blogida.

Huquqshunos Xushnudbek Xudoyberdiyev esa Respublika oliy taʼlim kengashining oʻzi nodavlat notijorat tashkilot ekanini eslatib oʻtar ekan, uning kimgadir majburiyat yuklaydigan vakolati yoʻqligini aytadi.

“Garchi bayonnoma matnida majburiylik haqida gap ketmagan boʻlsa-da, ammo bunday mazmunda qaror chiqarilishining oʻzi gʻalati. Bunday qarorlar kamida Biznes Ombudsman hamda Adliya vazirligidan ekspertizadan oʻtishi kerak”, deb yozadi u munosabati soʻngida.