“Oʻzbekiston xalq artisti” teatr va kino aktrisasi Shafoat Rahmatullayeva 83 yoshda vafot etdi.

Rahmatullayeva koʻp yillar davomida teatr sohasida faoliyat yuritib kelgan. Shuningdek, u kinofilmlarda ijro etgan yorqin va mazmunli rollari orqali tomoshabinlar qalbidan joy olgan.

“Shafoat Rahmatullayeva teatr va kino sanʼatini rivojlantirishda fidokorona xizmat qilib, jonkuyar va samimiy inson sifatida barchamizning qalbimizda mangu yashaydi”, deya taʼziya bildirdi Madaniyat vazirligi.

Maʼlumot uchun, Rahmatullayeva 1992-yilda “Oʻzbekiston xalq artisti” faxriy unvoni bilan taqdirlangan.