Oʻzbekiston xalq shoiri Usmon Azim Qozogʻistonning adabiyot sohasidagi xalqaro “Alash” mukofoti bilan taqdirlandi.

Mukofot shoirga Almati shahrida Qozogʻiston Yozuvchilar uyushmasi tashkil etilganining 90 yilligiga bagʻishlangan tantanali tadbirda topshirilgan.

Shuningdek, mazkur tadbirda TURKSOY tashkiloti bosh kotibi Sulton Rayev, Ozarbayjon Yozuvchilar uyushmasi raisi Anor Rzayev, Turkiya Yozarlar birligi raisi Musa Kozim Arijan, Qirgʻiziston xalq yozuvchisi Arslan Koyshiyev kabi atoqli ijodkorlar ham ushbu mukofot bilan taqdirlangan.

Foto:OʻzA

Maʼlumot uchun, Usmon Azim 1982-yilda Gruziyaning Vladimir Mayakovskiy nomidagi Davlat mukofotiga sazovor boʻlgan boʻlsa, 1998-yilda “Doʻstlik” ordeni bilan mukofotlangan.