Davlat teatrlari, teatr-studiyalari, sirk va konsert-tomosha muassasalarining artist xodimlariga malaka toifalarini berish tartibi toʻgʻrisidagi nizom tasdiqlandi.

7-dekabrdan kuchga kirgan hujjatga koʻra, endi davlat teatrlari, teatr-studiyalari, sirk va konsert-tomosha muassasalarida malaka toifalari beriladigan lavozimlar belgilanadi.

Bunda Madaniyat vazirligi bir oy muddatda ushbu turdagi muassasalarda ishlovchi artist xodimlarning ijodiy faoliyatini baholash mezonlarini, shuningdek, ularning ijro etish meʼyorlari tasdiqlaydi.

Shu bilan birga, vazirlik manfaatdor tashkilotlar bilan birgalikda oʻzlari qabul qilgan normativ-huquqiy hujjatlarni mazkur nizomni tasdiqlash haqidagi hukumat qaroriga muvofiqlashtiradi.

Hujjatda keltirilishicha, bunday amaliyotdan koʻzlangan maqsad ushbu soha xodimlarining faoliyatini tartibga solish hamda qoʻshimcha ragʻbatlantirishdir.