Uzbekistan Airways oʻrta maxsus, kasb-hunar va oliy taʼlim muassasalari talabalari uchun barcha mahalliy aviaqatnovlardagi ekonom-klass aviachiptalari tariflariga 50 foizgacha chegirma eʼlon qildi.

Bunda imtiyozli tariflar 2024-yil 23-dekabrdan boshlab 2025-yil 7-yanvariga qadar amalga qiladi.

“Bu qishda uyga qulay va arzon narxlarda parvoz qilish imkoniyatini boy bermang!” – deyiladi xabarda.

Maʼlumot uchun, chegirma davlat muassasasida oʻqishni tasdiqlovchi hujjat asosida taqdim etiladi.

Aviachiptalarni Toshkentdagi Uzbekistan Airways Sales filialidan, uning agentlaridan va booking.uzairways.com saytidan xarid qilish mumkin.

Eslatma! Yoʻlovchi tashish tariflariga qoʻshimcha ravishda turli soliqlar, yigʻimlar va toʻlovlar ham oʻrnatiladi. Ularga 50 foizgacha taqdim etiladigan chegirma amal qilmaydi.