O‘zbekistonlik yozuvchi Nazar Eshonqul Texas universiteti qoshidagi Mundus Artium Press jahon adabiyoti nashriyoti tomonidan “Yil yozuvchisi” deb topildi. O‘zbekiston xalq yozuvchisi Xurshid Davron o‘zining ijtimoiy tarmoqlardagi sahifalarida Nazar Eshonqulga nashriyot direktori Geke Marinay tomonidan yuborilgan xatni e’lon qildi. Maktubda Kleyton va Dallas shaharlaridagi (Oklaxoma shtati) Texas universiteti qoshidagi Mundus Artium Press jahon adabiyoti nashriyoti yozuvchini 2025-yilning eng yaxshi yozuvchisi sifatida tanlagani ma’lum qilingan.

“Ushbu nufuzli e’tirof sizning adabiyot sohasiga qo‘shgan ulkan hissangiz va ijodiy yutuqlaringizdan dalolatdir. Barcha sovrindorlarning rasmiy e’lon qilinishi 2024-yil 21-dekabr, shanba kuni bo‘lib o‘tadi. Ushbu yuksak mukofot bilan samimiy tabriklarimni qabul qiling. 2025-yil “Yil yozuvchisi” mukofoti sovrindori deb topilganingiz bilan yana bir bor qutlayman!” deyilgan maktubda.

Ma’lumot uchun Mundus Artium Pressga 1967-yil asos solingan bo‘lib, u dunyo bo‘ylab kashf etilmagan ijodkorlarni e’tirof etuvchi nashriyot hisoblanadi.

O‘xshash maqolalar: XXI asr inson sifatida yashab qolish yoki insonlikni butunlay boy berish asri bo‘ladi – katta yozuvchi Nazar Eshonqul bilan katta suhbat

Ular shunchaki yozilmagan – Nazar Eshonqul asarlarida neomifologiya