Zulfiqor Musoqov navbatdagi “Ninachi qanotlari uchun kuy” (Fudziyama haqida tush) deb nomlangan badiiy filmni suratga olishni boshladi.

Kartina Kinematografiya agentligi buyurtmasi asosan “Oʻzbekfilm” kinokonserni” DUKda tayyorlanmoqda.

Psixologik toʻliq metrajli film mazmuni psixolog ayol – Umidaning atrofida sodir boʻlayotgan voqealar orqali yoritib beriladi.

Badiiy filmning ssenariysini Kinorejissyor Zulfiqor Musoqovning oʻzi yozgan. Shuningdek, u kartinaning postanovkachi rejissyori ham hisoblanadi. Rejissyor esa Muzaffar Shodiyevdir.

Maʼlumot uchun, joriy yilning avgust oyida mazkur badiiy film uchun aktyorlarni saralash jarayoni boʻlib oʻtgan edi.

Eslatma! Fudziyama yaponlarning muqaddasi togʻi sanaladi.