Futbol boʻyicha Jahon chempionatining 3-saralash bosqichi 2-tur doirasidagi bahslar yakuniga yetdi. Sofascore mazkur tur uchrashuvlarida qatnashgan oʻyinchilarning ramziy jamoasini tuzdi.

Unda Oʻzbekiston milliy terma jamoasining 2 nafar aʼzosi – Eldor Shomurodov va Husniddin Aliqulov ham oʻrin olgan.

2-turda Qirgʻiziston terma jamoasiga 1-golni kiritgan Shomurodov ramziy roʻyxatda 8.4 ball olgan. Uchrashuvning muhim 2-goliga mualliflik qilgan himoyachi Aliqulovning harakatlariga esa 8.0 ball berilgan.

Foto: Sofascore

Maʼlumot uchun, Oʻzbekiston milliy terma jamoasi 2-turda Qirgʻiz Respublikasi mehmoni boʻlib, yakunda 2:3 hisobida gʻalaba qozongan edi.