Ertaga, 10-sentyabr kuni JCH-2026 3-saralash bosqichi 2-tur doirasidagi bahsda Oʻzbekiston terma jamoasi Qirgʻiz Respublikasida mehmon boʻladi.

Oʻzbekiston futbol assotsiatsiyasining maʼlum qilishicha, bugun, 9-sentyabr kuni Qirgʻiz Respublikasi – Oʻzbekiston oʻyini oldidan jamoalar rasmiylari ishtirokida uchrashuv tashkil etilgan.

Yigʻilishda OFK vakillari va mahalliy tashkiliy qoʻmita tomonidan ishtirokchilarga oʻyinga oid bir qator masalalar, jumladan, media, marketing, tibbiyot va xavfsizlik yoʻnalishlari yuzasidan tushuntirish va eslatmalar berib oʻtilgan.

Xabarga koʻra, mazkur bahsda Oʻzbekiston terma jamoasi toʻliq koʻk libosda, darvozabon esa yashil libosda harakat qiladi.

Oʻyin Toshkent vaqti bilan 19:00'da boshlanadi.