Kompaniya sifat talablaridan kelib chiqib, 2021-yil 5-17-dekabrda ishlab chiqarilgan Nexia, Cobalt va Lacetti avtomobillarini chaqirib olish dasturini eʼlon qildi.

Kompaniya axborot xizmatining xabar berishicha, “Chaqirib olish” dasturi avtomobillarning orqa oyna isitish tizimini tekshirish zarurati bilan bogʻliq. Mashinalarni taʼmirlash ishlari kompaniya hisobidan amalga oshiriladi.

“Barcha ishlar “UzAuto Motors” AJ xodimlari tomonidan dilerlik markazlarining servis xizmatida ishlab chiqaruvchining mablagʻlari hisobidan amalga oshiriladi. Avtomobillari chaqirib olish dasturiga toʻgʻri kelgan barcha avtomobil egalari dilerlik markazlari yoki kompaniya tomonidan ogohlantiriladi”, deyiladi xabarda.