Oʻzbekiston Paralimpiya oʻyinlarida oltin va bronza medallarini qoʻlga kiritgan Bobur Omonov va Nurxon Qurbonova tantanali taqdirlandi.

Musobaqa rekordini qoʻlga kiritgan Bobur Omonov eng kuchli Germaniyalik raqibini ham ortda qoldirib, ikkinchi bor Olimpiya chempionligini qoʻlga kiritdi. Shu tariqa, Oʻzbekiston bayrogʻi maydonda eng yuqoriga koʻtarildi.

Para yengil atletika bahslarida bronza medalini qoʻlga kiritgan Nurxon Qurbonova ham Tokio-2020 yozgi Paralimpiya oʻyinlarida qatnashib, kumush va bronza medalini qoʻlga kiritgan.

Maʼlumot uchun, bugun Parij-2024 yozgi Paralimpiya oʻyinlarida Oʻzbekiston delegatsiyasining 6 nafar aʼzosi ishtirok etadi.