Yadro uloqtirish bahslarida qatnashgan Nurxon Qurbonova uchinchi o‘rinni, Boburjon Omonov esa birinchi o‘rinni band qildi. 

Nurxon Qurbonova uch karra Paralimpiya oʻyinlari sovrindori bo‘ldi. F54 klassida ishtirok etadigan hamyurtimiz yadro uloqtirish dasturida 7.75 metr natija qayd etib, bronza medalini qoʻlga kiritdi. 

F41 klassida yadro uloqtirish bellashuvlarida ishtirok etgan yurtdoshimiz Boburjon Omonov esa oltin medalga sazovor boʻldi. Paralimpiya oʻyinlarining ikki karra chempioniga aylangan andijonlik sportchimiz 14.32 metr natija qayd etib, Tokio-2020 yozgi Paralimpiya oʻyinlarida oʻzi oʻrnatgan rekordni yangilashga erishdi.

Ushbu muvaffaqiyatdan keyin O‘zbekiston delegatsiyasi hisobidagi medallar soni hozircha 6 ta oltin, 4 tadan kumush va bronzani tashkil etmoqda.