Navbatdagi medalga para yengil atletikachi Doniyor Saliyev sohib bo‘ldi.

Oʻzbekiston delegatsiyasi Parij-2024 yozgi Paralimpiya oʻyinlarida navbatdagi medalga sazovor boʻldi. Para yengil atletika boʻyicha T12 klassidagi uzunlikka sakrash bahsida Doniyor Saliyev kumush medalni qoʻlga kiritdi.

Hamyurtimiz murosasiz bahslarda 7.16 metr natija qayd etdi. Shuning bilan, O‘zbekistonning hozirgacha jamgʻargan medallari soni 5 ta oltin, 4 ta kumush va 3 ta bronzaga yetdi.