Koʻksaroy qarorgohida boʻlib oʻtgan Parij Olimpiadasida ishtirok etgan sportchilar, ularning ota-onalari va murabbiylari ishtirokidagi uchrashuvda Shavkat Mirziyoyev sportchilarning ulkan gʻalabalari nafaqat oʻzbek xalqini, balki butun mintaqani ruhlantirib yuborganini taʼkidladi.

Ayniqsa, boks boʻyicha oʻzbek murabbiysi Akmal Hasanov qirgʻizistonlik bokschi Munarbek Seyitbek oʻgʻliga yordam berib, uni musobaqaning finaligacha borishida koʻmaklashgani mintaqadagi doʻstona munosabatning yorqin namunasi sifatida eʼtirof etildi.

“Ahil qoʻshnichilik tamoyillariga qurilgan siyosatimiz bugun xalqlarimiz yuragiga koʻchganini koʻrish albatta quvonchlidir”, deya urgʻulagan davlat rahbari.