Amsterdam munitsipaliteti davlat xizmatchilariga josuslik xavfi tufayli xizmat telefonlarida Telegramdan foydalanishni taqiqladi. Bu haqda BNR radiostansiyasi xabar berdi.

Ushbu taqiq apreldan buyon amalda boʻlsa-da, bu haqda ommaviy tarzda eʼlon qilinmagan. Amsterdam munitsipalitetiga vakil aʼzo Aleksander Sholtes soʻzlariga koʻra, messendjer huddi-ki, xaker, kiber jinoyatchi va narkosavdogarlarning boshpanasiga oʻxshaydi. Cheklovning yana bir sababi – josuslik xavfi ekani maʼlum qilingan.

2023-yilning martida Roskomnadzor bir qancha Rossiya kompaniyalariga Telegram, WhatsApp, Viber, Microsoft Teams, Snapchat va Discord kabi xorijiy messendjerlardan xizmat koʻrsatishda foydalanishni taqiqlagan edi.