Oʻzbekistonlik isteʼdodli yosh shaxmatchi Almas Rahmatullayev “Titled Tuesday” turniri doirasida Magnus Karlsenni magʻlub etishni uddaladi, deb xabar berdi Olamsport.

Nashrning yozishicha, Rahmatullayev hindistonlik xalqaro toifadagi grossmeyster Arjun Ergaisidan ham ustun kelgan.

Maʼlumot uchun “Titled Tuesday” onlayn turniri haftaning har seshanba kuni oʻtkaziladi.

Musobaqaning ahamiyatli jihati shundaki, unda reytingi pastroq shaxmatchilar ham dunyoning koʻzga koʻringan grossmeysterlari bilan onlayn tarzda boʻlsa-da oʻynash imkoniyatiga ega boʻladi.