Parij-2024 Olimpiadasida tarixiy natija qayd etgan delegatsiya Oʻzbekistonga bugun, 12-avgust kuni yetib keladi.

Taxminlarga koʻra, soat 19:00 dan keyin sportchilar oʻtirgan samolyot Toshkentga qoʻnishi rejalashtirilmoqda.

Delegatsiya yetib kelgach Toshkent aeroportining 3-terminalida tantanali kutib olinadi.

Kutib olish marosimidan soʻng, atletlar mingan avtobus kortejlari shahar boʻylab harakatlanadi.

Chempionlarni qutlashni niyat qilgan oʻzbekistonliklar kortej harakati yoʻnalishi boʻylab, doira shaklida belgilangan nuqtalarda, xavfsizlik chora-tadbirlariga qatʼiy rioya qilgan holda, turishlari mumkin boʻladi.

Kortej harakati aniq aytilmagan.