Kirish imtihonida eng soʻraladigan savollarda tarixiy soʻzlar mazmuni, ayniqsa, xonliklar davridagi harbiy mansablar darajasi soʻraladi.

Quyida Qoʻqon xonligidagi harbiy mansablarning baʼzilari keltirilgan:

▪️ Mingboshi – Oliy Qoʻmondon;

▪️ Qoʻshbegi – oʻz qoʻshiniga ega beklik hokimi;

▪️ Botirboshi – beklikdagi harbiy ishning ahvoli uchun masʼul shaxs;

▪️ Valiy yoki voli (noib yoki noib-muovin) – artilleriya qoʻmondoni yoki viloyat va tumanlarda xonning oʻrinbosari;

▪️ Qalʼabon – harbiy qalʼalar uchun masʼul shaxs;

▪️ Qoʻrboshi – qurol-aslaha ishlab chiqarish ustaxonasi va omborxona boshligʻi;

▪️ Yovar – soqchilarning boshligʻi yoki amiri lashkar maxsus boʻlinmasi boshligʻi. Yovarlar xon devonining hujjatlarida gʻallagir (gʻalla oluvchi), javgir (bugʻdoy oluvchi) va sarpo oluvchi sifatida qayd etilgan;

▪️ Toʻpchiboshi – Toʻpchilar boʻlinmasi boshligʻi;

▪️ Toʻqsabo – oʻzlarining tugʻiga ega boʻlgan harbiy dastaning boshligʻi;

▪️ Ponsadboshi (ellikboshi; “elboshi” emas) – ellik nafarlik harbiy toʻbning sardori yoki 500 nafardan iborat harbiy qoʻshin qoʻmondoni;

▪️ Dahboshi (oʻnboshi) — oʻn nafarlik jangovar dastaning sardori;

▪️ Qorovulbegi – soqchilar va qorovullarning boshligʻi;

▪️ Xos soqchilar – harbiy harakatlar vaqtida askarlari ruhlantirib turadiganlar;

▪️ Qozi askar – harbiy harakat boshlanishidan oldin xon nomidan jihod eʼlon qilgan, oʻljani baholagan va qoʻshinning maʼnaviy qiyofasi uchun ham javobgar boʻlgan shaxs;

▪️ Qozi rais – qoʻshin muftiysi bergan fatvo ijrosini taʼminlaydigan shaxs;

▪️ 5 kishilik guruh – harbiy harakatlar chogʻida har bir boʻlinmada 5 kishilik guruh boʻlgan. Ular yarador boʻlgan askarlarni jang maydonidan olib chiqish hamda halok boʻlganlarni dafn etgan.