Janubiy Koreyaning Seul shahrida Alisher Navoiy byusti oʻrnatildi. Bu haqida Oʻzbekiston Yozuvchilar uyushmasi matbuot xizmati xabar bermoqda.

Joriy yil avvalida Oʻzbekistonning Janubiy Koreyadagi elchixonasi tashabbusi bilan nafaqat turkiy tilli xalqlar, balki jahon madaniy merosiga munosib hissa qoʻshgan Alisher Navoiy haykalini Seulning soʻlim goʻshalaridan birida oʻrnatish borasida ishlar boshlangan edi.

Eslatib oʻtamiz, bugun Oʻzbekiston Respublikasi Prezidenti Shavkat Mirziyoyev Koreya Respublikasi Prezidenti Mun Chje Inning taklifiga binoan davlat tashrifi bilan ushbu mamlakatga joʻnab ketdi.