Ixtisoslashtirilgan taʼlim muassasalari agentligining maʼlum qilishicha, hozirda Agentlik tizimidagi maktablarga ariza.piima.uz sayti orqali arizalar qabul qilinmoqda.

Mazkur arizalarning 13-iyun soat 11:00 holatidagi statistikasiga koʻra, Fargʻona viloyatida faoliyat yuritadigan Prezident maktablariga eng koʻp hujjat topshirilgan. Eng koʻp hujjat qabul qilgan Prezident maktabi ham vodiyda boʻlib, Andijon viloyatida joylashgan.

Ushbu turdagi maktablardan eng kam ariza kelib tushgani Navoiy viloyatida boʻlib, 1-iyundan beri bu maktab 1244 ta hujjat qabul qilgan.

Maʼlumot oʻrnida, Prezident maktablariga hujjat topshirish 1-iyundan 20-iyungacha davom etadi.