Bugun, 13-iyun kuni soat 06:30 larda Bulungʻur tumani “Olmazor” MFY hududidan oʻtgan M-39 avtomobil yoʻlining 1046-km da Yoʻl transport hodisasi sodir boʻlgan.

Unda “Toshkent-Samarqand” yoʻnalishida harakatlanib kelayotgan Damas qarama-qarshi tomondan harakatlanayotgan Cobalt'ning old tomonidan kelib urilgan.

Hodisa natijasida Damas avtomobili haydovchisi olgan tan jarohatlari sabab shifoxonaga joʻnatilgan, biroq u yoʻlda vafot etgan.

Hozirda mazkur holat yuzasidan jinoyat ishi qoʻzgʻatilib, dastlabki tergov harakatlari olib borilmoqda.