Ibrohimjon Halimbekov Fargʻona viloyat teleradiokompaniyasi direktori etib tayinlandi. Bu haqida viloyat hokimligi matbuot xizmati xabar berdi.

Yangi rahbar bungacha Prezident Administratsiyasi huzuridagi Axborot va ommaviy kommunikatsiyalar agentligi viloyat boshqarmasi boshligʻi lavozimida ishlab kelayotgan edi (2022-yildan beri).

Ibrohimjon Halimbekov 1973-yilda Fargʻona shahrida tugʻilgan. Maʼlumoti oliy. Mehnat faoliyatini 1995-yilda “Fargʻona haqiqati” gazetasida boshlagan.

Maʼlumot oʻrnida, viloyat teleradiokompaniyasining sobiq direktori Bahromjon Obidjonov esa viloyat hokimligining “Yangi Fargʻona” — “Novaya Fergana” gazetalari bosh muharriri boʻldi.