Konvensiya ijrochilar, fonogramma tayyorlovchilar va eshittirish tashkilotlarining turdosh huquqlarini ahdlashayotgan davlatlarda oʻz huquqlarini himoya qilishning milliy rejimini ularga taqdim etish yoʻli bilan himoya qilishga qaratilgan.

Hujjatda quyidagi shartlar qayt etilgan:

◻️ Oʻzbekiston faqat eshittirish tashkilotining shtab-kvartirasi boshqa ahdlashuvchi davlatda joylashgan boʻlsa va uzatish xuddi shu davlatda joylashgan uzatuvchi yordamida amalga oshirilgan taqdirda efirga uzatishni taʼminlaydi;

◻️ Oʻzbekiston tayyorlovchisi boshqa ahdlashuvchi davlatning fuqarosi yoki yuridik shaxs hisoblanmaydigan fonogrammalarga nisbatan 12-moddani qoʻllamaydi.

Konvensiyaga qoʻshilish intellektual mulk huquqlarini himoya qilishning ilgʻor xalqaro standartlarini joriy etishga, shuningdek Oʻzbekiston obroʻsining oshishiga koʻmaklashadi.

Hujjat Qonun hujjati milliy bazasida davlat tilida eʼlon qilingan va 2024-yilning 6-iyunidan boshlab kuchga kirdi.