O‘zbekiston Respublikasi Prezidentining “Ma’naviy-ma’rifiy ishlar tizimini tubdan takomillashtirish chora-tadbirlari to‘g‘risida”gi qarorida belgilanganidek, hududlarda 2021-2023-yillarda bosqichma-bosqich Ma’naviyat va ma’rifat maskanlari barpo etilishi belgilab qo‘yilgan.

Qaror ijrosini ta’minlash maqsadida, kecha, 14-dekabr kuni Jizzax viloyati Baxmal tuman hokimi, Ma’naviyat va ma’rifat Kengashi raisi Musa Anarbayev boshchiligida hududda yangi Madaniyat va ma’naviyat maskanining ochilish marosimi bo‘lib o‘tdi.

Mehmonlar maskanda yaratilgan shart-sharoitlar bilan yaqindan tanishdilar hamda mas’ullar bilan birgalikda ma’naviy-ma’rifiy ishlar samaradorligini oshirish, ijtimoiy-ma’naviy muhitni yaxshilash bo‘yicha o‘z taklif va tavsiyalari bilan o‘zaro fikr almashdilar.