Ijod maktablarida 2024/2025-oʻquv yili uchun qabul qachon boshlanishi ochiqlandi

Saqlash
14:05 / 20.05.2024 1416 0

Xabarga koʻra, Ixtisoslashtirilgan taʼlim muassasalari agentligi tizimidagi Ijod maktablariga 2024/2025-oʻquv yili uchun hujjatlar qabuli 1-iyundan – 20-iyunga qadar ONLAYN shaklda ariza.piima.uz sayti orqali amalga oshiriladi.

 

Ijod maktablariga topshiruvchilardan talab etiladigan hujjatlar roʻyxati:

◻️ tugʻilganlik toʻgʻrisidagi guvohnoma;

◻️ fotosurat (oxirgi 2 oyda olingan);

◻️ ota-ona yoki uning oʻrnini bosuvchi shaxsning pasport maʼlumotlari va telefon raqamlari (doimiy ishlab turgan telefon raqamlari) aniq va bexato kiritilishi lozim.

 

Eslatma! Ijod maktablariga 6-sinfni tugatgan oʻquvchilar qabul qilinadi.

 

Maʼlumot oʻrnida, ijod maktablari Oʻzbekistonda tashkil etilgan ixtisoslashtirilgan davlat umumtaʼlim muassasalari hisoblanadi. Ularda ijodga doir yoʻnalishlarda saboq berildi.

 

Hozirda respublikada 9 ta ijod maktablari faoliyat koʻrsatyapti. 2025-yilga kelib bu maktablar sonini 33 taga yetkazish rejalashtirilgan.

Oldinroq Prezident maktablariga 2024/2025-oʻquv yili uchun qabul kunlari eʼlon qilingani haqida xabar berilgan edi.

Izoh yo‘q

Izoh qoldirish

//