Prezident qarori bilan Madaniyat vazirligi huzuridagi Madaniyat va sanʼatni rivojlantirish jamgʻarmasi Vazirlar Mahkamasi tarkibiga kiritildi. Bunda jamgʻarmaning amaldagi moliyalashtirish tartibi va shtatlar soni saqlab qolinadi.

Jamgʻarmaning asosiy vazifalari, jumladan, quyidagilardan iborat:

madaniyat va sanʼat sohasini yanada rivojlantirishga koʻmaklashish;

madaniyatlararo ijodiy muloqotni yoʻlga qoʻyish va oʻzbek sanʼatining jahon badiiy va madaniy makoniga integratsiyalashuviga koʻmaklashish;

madaniyat va sanʼat muassasalarini zarur adabiyotlar va davriy nashrlar bilan taʼminlash va boshqalar.

Quyidagilar jamgʻarma mablagʻlarini shakllantirish manbalari hisoblanadi:

respublika byudjeti mablagʻlari;

jamgʻarmaning vaqtincha boʻsh mablagʻlarini moliya tashkilotlarida joylashtirishdan olingan daromadlar;

qonunchilik hujjatlarida taqiqlanmagan boshqa manbalar.