Respublika  ma’naviyat va ma’rifat markazi Namangan viloyati Chortoq tuman bo‘limi hamda tuman Axborot resurs markazi tomonidan kecha, 7-dekabr kuni “Keskanyor” mahalla fuqarolar yig‘inida ekspress kutubxona tashkil etildi.

Ushbu ekspress kutubxonada 200 dan ortiq turli nomdagi badiiy, ilmiy va ertak kitoblar o‘rin olgan. Aholi va o‘quvchi yoshlar o‘zlarini qiziqtirgan kitoblarni mutolaa qildilar.

Respublika  ma’naviyat va ma’rifat markazi Chortoq tuman bo‘limi rahbari  H. Xakimov yig‘ilganlarga kitobning inson hayotida tutgan o‘rni, kitob o‘qigan insondan hech qachon yomonlik chiqmasligini aytib o‘tdi.

Ekspress kutubxona loyihasi tuman bo‘ylab davom etmoqda.