Oʻzbekiston Respublikasi Madaniyat vaziri va Pokiston Islom Respublikasi Televideniye, axborot va teleradio vaziri Favad Chaudxari ishtirokida Boburiylar merosi haqida tarixiy film tasvirga olish boʻyicha ishchi guruhining dastlabki uchrashuvi boʻlib oʻtdi. Bu haqida Madaniyat vaziri Ozodbek Nazarbekovning ijtimoiy tarmoqdagi sahifasida xabar berildi.

Qayd etilishicha, uchrashuvda filmni suratga olish boʻyicha barcha tashkiliy masalalar haqida soʻz borgan. Xususan, filmni suratga olish bilan bogʻliq tashkiliy va moliyaviy masalalarni tez muddatlarda hal etish, ssenariy yozish jarayonlarida hamkorlikda ishlashga kelishib olingan.

“Film orqali Zahiriddin Muhammad Bobur haqida dunyo hamjamiyatiga toʻgʻri va ishonchli maʼlumotlar berish muhimligi taʼkidlandi”, deyiladi xabarda.