Oʻzbek dublyaj sanʼati ogʻir judolikka uchradi. Betakror ovoz sohibi, taniqli dublyaj aktyori Sanjar Saʼdullayev 67 yoshida vafot etdi.

Sanjar Saʼdullayev 1954-yil 10-iyul sanasida Toshkent shahrida tavallud topgan. Toshkent Davlat teatr va sanʼat oliygohining drama va kino boʻlimini tugatgan.

U ijodiy faoliyati davomida “Qish sonatasi”, «Vir va Zara» kabi juda koʻplab serial va filmlarda bosh qahramonlarga ovoz bergan, oʻzbek shoirlarining yuzlab sheʼrlarni audio variantda oʻqigan.

“Oyina.uz” jamoasi marhumning oila aʼzolari, yaqinlari va butun ijod ahliga chuqur hamdardlik izhor qiladi.