Kecha, 2-dekabr kuni Farg‘ona viloyati Buvayda tumanidagi “Jiydali” MFYdagi aholi xonadonlarining birida "Gʻazalda ohangning o‘rni" mavzusida ijodiy kecha bo‘lib o‘tdi.

Unda Respublika Ma’naviyat ma’rifat markazi Buvayda tumani bo‘linmasi rahbari O.Tojiyeva, tuman xalq ta’limi bo‘limi rahbari A.Abdulfattohov, tuman Yoshlar ishlari agentligi rahbari N.Karimov, shuningdek mahalla faollari, nuroniy otaxon va onaxonlar ishtirok etishdi.

Tadbirni 5-umumiy o‘rta ta’lim maktabi ijodiy-madaniy masalalar bo‘yicha targ‘ibotchisi N.Qamariddinov tashkillashtirdi. Nuroniylar yoshlarni kitobxonlikka bo‘lgan mehrini kuchaytirish borasida o‘z hayotiy tajribalari bilan o‘rtoqlashdilar.

Tuman hokimi tashabbusi bilan san’at va adabiyotga nisbatan qiziqish uyg‘otish maqsadida har kuni uyushmagan aholi ishtirokida mana shunday ma’naviy uchrashuvlar o‘tkazib borilmoqda.