2023-yilda Oʻzbekiston Jahon turizm tashkiloti (UNWTO) Bosh assambleyasining 25-sessiyasiga mezbonlik qiladi. 

Madrid shahrida (Ispaniya) oʻtayotgan 24-sessiya doirasidagi ovoz berish yakunlariga koʻra, ushbu nufuzli anjumanni oʻtkazish joyi sifatida Samarqand shahri tanlandi. 

Madrid shahrida oʻtgan tadbir doirasida 2023-yilda UNWTO Bosh assambleyasini oʻtkazish uchun Oʻzbekiston va Portugaliya daʼvogarlik qildi. Tadbir yakuniga koʻra, Oʻzbekiston yaqqol ustunlik bilan aksariyat ovoz toʻplab, 2023-yilgi Bosh assambleyani qadimiy Samarqand shahrida oʻtkazishga kelishildi.