Ijtimoiy tarmoqlarda xususiy bogʻchalarning birida tarbiyachi bolalarni urib uxlatishga urinayotgani tasvirlangan videolavha tarqaldi. Xorazm viloyati maktabgacha va maktab taʼlimi boshqarmasi holat yuzasidan maʼlumot berdi.

Videoda aks etgan holat Xorazm viloyati maktabgacha va maktab taʼlimi boshqarmasi ishchi guruhi hamda tegishli vakolatli tashkilot xodimlari hamkorligida oʻrganilgan. Qayd etilishicha, voqea Xonqa tumanidagi “Adolat Dinora orzulari” nodavlat taʼlim muassasasida sodir boʻlgan.

Tarbiyachi Q.Z. tarbiyalanuvchilarga qoʻpol munosabatda boʻlgani va ichki mehnat tartib-qoidalarini qoʻpol ravishda buzgani uchun u bilan tuzilgan mehnat shartnomasi bekor qilingan.