Navoiy viloyatida Nexia-2 ag‘darilib ketishi oqibatida, fojiali yo‘l-transport hodisasi sodir bo‘ldi. Bu haqda viloyat Yo‘l harakati xavfsizligi matbuot xizmati xabar bergan.

Ma’lum qilinishicha, voqea 20-oktabr kuni Tomdi tumanida sodir bo‘lgan. YTH oqibatida 2 kishi voqea joyida, yana 1 kishi ko‘rsatilgan tibbiy yordamga qaramasdan shifoxonada vafot etgan.

Hodisa sababi o‘rganilib, Nexia-2 haydovchisi tezlikni oshirishi oqibatida boshqaruvni yo‘qotib, avtomobil yo‘ldan chiqib ketgani aniqlangan. Holat yuzasidan Tomdi tumani IIB tomonidan tergovga qadar tekshiruv harakatlari boshlangan.