YTH’ga haydovchilar oraliq masofani saqlamagani sabab bo‘lgan.

Hodisa Toshkent viloyatining O‘rta Chirchiq tumanida 6 ta mashina ishtirokida sodir bo‘ldi.

Viloyat YHXB xabariga ko‘ra, voqea 21 oktyabr kuni soat 20:00 larda tuman hududidan o‘tgan 4R-22 avtomobil yo‘lining 20-kilometrida yuz bergan.

Ta’kidlanishicha, 6 ta transport vositasi o‘zaro to‘qnashib ketgan. Bunga haydovchilar oraliq masofani saqlamagani sabab bo‘lgan. Mashinalar haydovchilariga birinchi tez tibbiy yordam ko‘rsatilgan. Hodisa oqibatida og‘ir tan jarohati olgan fuqarolar yo‘q.