Bugun AQSh Oziq-ovqat va farmatsevtika idorasi immuniteti past odamlar uchun koronavirusga qarshi Pfizer va Moderna vaksinalarining qo'shimcha — uchinchi dozasini tasdiqladi. Bu haqda tass.ru xabar bermoqda.

— Oziq-ovqat va farmatsevtika idorasi bugun Pfizer va Moderna koronavirus vaksinalariga ruxsatnomani o'zgartirib, ayrim immuniteti past odamlarga qo'shimcha dozani berishga ruxsat berdi, — deyiladi xabarda. — Mamlakatda koronavirus pandemiyasining yana bir to'lqini boshlandi va immuniteti sust odamlar uchun kasallikning og'ir kechishi xavfi borligini unutmasligimiz kerak, — dedi ofis direktori vazifasini bajaruvchi Janet Vudkok.