Andijon viloyati hokimi qaroriga asosan Asaka tumani hokimi lavozimida faoliyat yuritib kelgan Begzod Ummatov vazifasidan ozod etildi. Bu haqda viloyat hokimligi matbuot xizmati xabar bermoqda.

Viloyat hokimi oʻrinbosari Nasibillo Moʻminov Asaka tumani hokimi vazifasini vaqtincha bajaruvchi etib tayinlangan.

Nasibillo Moʻminov 1983-yil Andijon tumanida tugʻilgan. Mehnat faoliyatini 2001-yilda Andijon qurilish texnikumining maxsus fan oʻqituvchisi vazifasidan boshlagan. Tayinlovga qadar u viloyat hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari sifatida faoliyat yuritgan.