Jo Bayden maʼmuriyati Yevropa Ittifoqi va bir qancha aʼzo davlatlaridan Oʻzbekiston va Tojikistondan kelgan sayohatchilarga nisbatan keskin choralar koʻrishni soʻradi.

Bu soʻrov ehtimoliy terrorchilarning AQSHga kirib kelishini oldini olish boʻyicha harakatlarning bir qismi ekanligi aytilmoqda.

Bloomberg nashrining maʼlum qilishicha, yaqinda bir guruh oʻzbekistonlik muhojirlar “ISHID”ga aloqador shaxslar yordamida AQSHga janubi-gʻarbiy chegaradan kirib kelgan. Bu esa Amerika huquq-tartibot idoralarining xavotirini kuchaytirgan.

AQSH rasmiylari Yevropa Ittifoqidan Oʻzbekiston va Tojikiston fuqarolari uchun aeroport tranzit vizasi talab qilishni soʻragan.