Shavkat Mirziyoyev huzurida Samarqandga “Butunjahon madaniy turizm poytaxti” maqomini berish toʻgʻrisida deklaratsiya qabul qilindi. Bu haqda Prezident matbuot xizmati xabar berdi.

Samarqandda oʻtayotgan Butunjahon turizm tashkiloti (YNVTO) Bosh Assambleyasi 25-sessiyasi doirasida Shavkat Mirziyoyev huzurida Samarqandga “Butunjahon madaniy turizm poytaxti” maqomini berish toʻgʻrisida deklaratsiya hamda Xalqaro turizm akademiyasini tashkil etish toʻgʻrisida bitim qabul qilindi.

Hujjatlar Oʻzbekiston ekologiya, atrof-muhitni muhofaza va iqlim oʻzgarishi vaziri Aziz Abduhakimov va YNVTO bosh kotibi Zurab Pololikashvili tomonidan imzolandi.