Qashqadaryo viloyatida echkiemarlarni tutib, soʻyib yegan 61 yoshli erkak 3 yilga ozodlikdan cheklandi.

Maʼlum qilinishicha, 3 marta infarkt bilan ogʻrigan keksa fuqaro tanishlaridan echkiemar (echkiemarlar “Qizil kitob”ga kiritilgan) goʻshti va terisi kasallikka davo ekanini eshitib, yovvoyi echkiemarlarni ovlashga tushgan.

Fuqaro jami 32 bosh echkiemarni ovlab, ulardan 12 tasini soʻyib yegan. Qolgan 20 tasini keyinchalik yeyish uchun uyida boqib kelgan.

Sud erkakka 3 yilga ozodlikdan cheklash jazosi belgilab, Ekologiya vazirligi foydasiga 141 mln 900 ming soʻm undirishga hukm chiqargan.