Surxondaryo viloyatida shifokor va oʻqituvchilarga uy sovgʻa qilinadi. Bu haqda viloyat hokimligi axborot xizmati xabar berdi.

Qayd etilishicha, Surxondaryo viloyati Sherobod tumanida koʻp yillik mehnati bilan yosh avlodni voyaga yetkazish, aholi salomatligini taʼminlashga oʻz hissasini qoʻshayotgan eng ilgʻor oʻqituvchi va shifokorlar uchun uy-joylar qurilishiga start berildi. Turar joylar 2024-yil mart oyida foydalanishga topshiriladi.

Avvalroq Samarqandda tadbirkor yigit ustozlar bayramida oʻz oʻqituvchisiga ikki xonali uy sovgʻa qilingani haqida xabar berilgandi.