Toshkent shahri hokimligi Xitoyning BYD kompaniyasi bilan 2 ming dona BYD K9UD eBus elektromobilini xarid qilish boʻyicha hoshiyaviy bitim (framework agreement) imzoladi.

Kompaniya matbuot xizmatiga koʻra, BYD elektrobuslarni mahalliy iqlimga va Toshkent shahrining yoʻl sharoitlariga moslashtirgan holda yetkazib beradi.

K9UD eBus rusumli, shaharlar uchun moʻljallangan, past polli elektrobusi 12 metr uzunlikda boʻlib, 90 nafargacha yoʻlovchini sigʻdira oladi.

200 ta elektrobusdan iborat birinchi partiya 2024-yilda yetkazib berilishi kutilmoqda.

Eslatib oʻtamiz, sentyabr oyi oxirida BYD rahbariyatidan iborat delegatsiya Toshkentga kelib, Oʻzbekiston prezidenti va shahar hokimi bilan uchrashgandi.