Qamchiq dovonida 13-oktabr kuni erta tongda qor yogʻdi. Bu haqda FVV matbuot xizmati xabar chiqardi.

Vazirlik haydovchilardan barcha xavfsizlik choralarini koʻrishni soʻragan.
 

“Favqulodda vaziyatlar vazirligi yoʻl-transport hodisalari bilan bogʻliq favqulodda vaziyatlarning oldini olish maqsadida, dovon hududida harakatlanishda haydovchilardan barcha xavfsizlik choralarini koʻrishlarini soʻrab qoladi”, — deyiladi xabarda.
 

Dovonda qor yogʻishi kattaroq maydonni egallamoqda (228-245 km oraligʻi). “Qamchiq avtoyoʻl” IYFUK dovonda maxsus texnikalar yordamida yoʻlni qordan tozalamoqda.