16-oktabrdan Toshkentdagi Shimoliy vokzal oʻz faoliyatini davom ettiradi. Bu haqda “Oʻztemiryoʻlyoʻlovchi” xabar berdi.

“Afrosiyob”, “Sharq”, “Nasaf”, “Oʻzbekiston” tezyurar poyezdlari va “Toshkent — Volgograd — Toshkent” yoʻnalishidagi poyezd Shimoliy vokzaldan joʻnab ketadi.

Toshkentdan Xoʻjakent, Guliston, Angren, Xovos va Bekobodga hozirda Shimoliy vokzal va “Toʻqimachi” stansiyalaridan qatnayotgan shaharlararo poyezdlar 16-oktabrdan boshlab Janubiy vokzaldan yoʻlga chiqadi.

15-sentabrdan “Toʻqimachi” stansiyasida texnik ishlar olib borilishi munosabati bilan Shimoliy vokzaldan qatnaydigan yoʻlovchi poyezdlari poytaxtning Janubiy vokzalidan yoʻlga chiqyapti.