Oʻzbekistonning sobiq qurilish vaziri vafot etdi. Namangan viloyati hokimligi matbuot xizmati ushbu munosabat bilan taʼziyanoma eʼlon qildi.

Marhum Nazir Rajabov 1939-yil 9-mayda Buxoro viloyatida tugʻilgan boʻlib, 1978-1983-yillarda Oʻzbekiston SSR qishloq xoʻjaligi qurilish vaziri, 1983-1984-yillarda Oʻzbekiston SSR qurilish vaziri, 1984-1987-yillarda Oʻzbekiston Kompartiyasi Namangan viloyat qoʻmitasining birinchi kotibi lavozimlarida ishlagan.

Shuningdek, u 1987-1988-yillarda Oʻzbekiston Kompartiyasi Samarqand viloyat birinchi kotibi vazifasida ham ishlagan.