Toshkent shahrida harakatlanuvchi 2 ta avtobusning yoʻnalishiga oʻzgartirish kiritildi.

16-oktabr kunidan boshlab, 89-sonli “Qorasuv 1-mavzesi — Chorsu savdo markazi” avtobus yoʻnalishi harakati Chorsu savdo markazi bekatidan Paxtakor metrosi ASHBgacha qisqartiriladi. Qisqartirishdan soʻng 89-sonli yoʻnalish “Qorasuv 1-mavzesi — Paxtakor metrosi” oraligʻida harakatlanadi.

16-oktabrdan boshlab, 14-sonli “TTZ bozori — Toshkent vokzali” avtobus yoʻnalishi harakati Yuzrabot koʻchasi boʻylab TTZ avtoshohbekatigacha uzaytiriladi. Uzaytirishdan soʻng 14-sonli yoʻnalish TTZ bozorigacha harakatlanmasdan, “TTZ avtoshohbekati — Toshkent vokzali” oraligʻida harakatlanadi.