Joriy yilning 12-14-oktabr kunlari Oʻzbekiston hududiga nam va sovuq havo massalari kirib kelishi kutilmoqda.

“Oʻzgidromet” xabariga koʻra, 12-13-oktabr kunlari respublika boʻyicha yomgʻir yogʻadi, 13-oktabrda Toshkent, Samarqand, Jizzax, Sirdaryo viloyatlarida, Oʻzbekistonning togʻoldi va togʻli hududlarida baʼzi joylarda kuchli yomgʻir yogʻadi, togʻlarda qorga aylanadi.

Respublika boʻyicha baʼzi joylarda shamol tezligi 15-20 m/s gacha kuchayishi kutilmoqda, ayrim joylarda 22-25 m/s gacha kuchayishi mumkin.

13-14-oktabrda havo harorati kunduz kunlari +10...+15 darajagacha, kechalari +2...+5 daraja iliqqacha pasayadi, shimolda -1...-3 daraja sovuqqacha boʻlishi mumkin.