Toshkentning Sergeli tumanidagi omborxonada sodir boʻlgan kuchli portlash oqibatida kamida 1 kishi halok boʻlgan. Bu maʼlumotni “Gazeta.uz”ga Sergeli tumani hokimligi matbuot xizmati kotibi Shamshoda Ibrohimova tasdiqlagan.

Maʼlum boʻlishicha, portlagan ombor yaqinidagi koʻp qavatli uyda yashagan 15 yoshli bola boshiga rom tushib ketishi oqibatida vafot etgan. U tumandagi 305-sonli maktabning 11-sinfida oʻqirdi.

Matbuot kotibning qoʻshimcha qilishicha, hozircha boshqa qurbonlar haqida maʼlumot yoʻq.

Jarohatlanganlar soni aniq emas, qidiruv-qutqaruv ishlari davom etayotgani bois aniq son aytilmayapti.