Oʻzbekistonda kunlik bir kishiga suv isteʼmoli oʻrtacha necha litrga toʻgʻri kelishi aytildi.

“Oʻzsuvtaʼminot” AJ axborot xizmati rahbari Akmal Murodovning maʼlum qilishicha, Oʻzbekistonda markazlashgan ichimlik suv bilan taʼminlangan aholi punktlarida, sanoat korxonalari va boshqa isteʼmolchilarni chiqarib tashlaganda, respublika boʻyicha kunlik bir kishiga isteʼmol oʻrtacha 99,2 litrga toʻgʻri keladi.

Qayd etish kerak, avvalroq Oʻzbekistonda ichimlik va oqova suv narxlari 2 barobar qimmatlashgani haqida xabarlar tarqaldi. “Oʻzsuvtaʼminot” AJ ushbu xabarlar yuzasidan rasmiy maʼlumot berib, tarqalgan xabarlar asossiz ekanligini maʼlum qildi.