Ijtimoiy tarmoqlarda “Oʻzbekistonda ertadan ichimlik va oqova suv narxlari 2 barobar qimmatlaydi” mazmunida xabarlar tarqaldi.

Unda ichimlik suvi narxlari (1 metr kub) aholi uchun 750 soʻmdan 1500 soʻmgacha koʻtarilishi aytilgan.

“Oʻzsuvtaʼminot” AJ ushbu xabarlar yuzasidan rasmiy maʼlumot berdi. Unga koʻra tarqalgan xabarlar asossiz.
 

“Ichimlik va oqova suv narxlari hozircha faqat Andijon viloyatida oshirilishi belgilangan va qaror eʼlon qilingan kundan boshlab 15 kun oʻtgach kuchga kiradi”, — deyiladi rasmiy xabarda.