“Fuqarolarning davlat pensiya taʼminoti toʻgʻrisida”gi Qonunining 13-moddasida gipofizar mittilik kasaliga chalinganlar (liliputlar) va gavda tuzilishida mutanosiblik buzilgan pakanalar: erkaklar ish staji kamida 20 yil va ayollar ish staji kamida 15 yil boʻlgan taqdirda umumiy pensiyaga chiqish yoshini 15 yilga qisqartirgan holda imtiyozli ravishda pensiya olish huquqiga ega boʻlishi nazarda tutilgan.

Ushbu moddaga asosan gipofizar mittilik kasaliga chalinganlar (liliputlar) va gavda tuzilishida mutanosiblik buzilgan pakana erkaklar 45 yoshga toʻlganda ish staji kamida 20 yil va ayollar 40 yoshga toʻlganda ish staji kamida 15 yil boʻlgan taqdirda pensiya olish huquqiga ega boʻladi.

2021-yil 1-noyabr holatiga Pensiya jamgʻarmasining hududiy tuman (shahar) boʻlimlari hisobida mittilik kasaliga chalingan 44 nafar fuqaroga (shundan: 26 nafari ayollar) umumiy belgilangan pensiya yoshidan 15 yil oldin imtiyozli pensiya tayinlanib toʻlanmoqda.